Maite Garcia Ruiz Lehen Hezkuntzako diplomatua da Atzerriko Hizkuntza Espezialitatean Euskal Herriko Unibertsitatean (UPV/EHU). Ingelesaren Irakaskuntzako masterra egin zuen Idahoko Unibertsitatean (UofI) eta doktoretza UPV/EHUko Euskal Hizkuntzalaritza eta Filologia doktorego programan egin du.

Gaur egun, irakasle da Begoñako Andra Mari (BAM) Irakasleen Unibertsitate Eskolan Haur Hezkuntzako graduan

Irakasle-lanak egin ditu Idahoko Unibertsitatean gaztelania irakasten, hizkuntza akademietan ingelesa eta euskara irakasten eta Lehen Hezkuntzan Bizkaiko zentro kontzertatu zein publikoetan.

Ikerketari dagokionez, ELEBILAB ikertaldeko eta UPV/EHUko Munduko Hizkuntza Ondarearen UNESCO Katedrako kidea da eta EquiLing eta AMRELSE proiektuetan parte hartzen du. Bere ikerketa interesak bi lerro nagusitan banatzen dira: hizkuntzen didaktika eta soziolinguistika.