Euskal kantak eta jolasak

Ikastaro honen bidez, jolasek eta abestiek haurren garapenean duten garrantziaz hausnartuko da, eta gelako baliabide moduan erabiltzeko kanta eta jolas bilduma bat ikastera animatuko dira parte-hartzaileak. Gainera, jolas horiek beren lexikoa eta hizkuntza-formak dituzte, eta gaur egun galtzen ari dira. Inoiz baino garrantzitsuagoa da haur eta lehen hezkuntzako irakasleek euskal kultur tradizioko abestiak eta jolasak ezagutzea, gure kulturaren ondare ez-material aberatsa transmititzeko.

Helburua

Gure plazetan eta ikastetxeetan galdu dira dagoeneko jolas tradizionalak; ikastetxeak leku egokia dira horiek berreskuratzeko. Ikastaro honen helburua, jolasak eta jolas horietan abesten diren kantak ikasiko dira, eta gelan baliabide moduan duten garrantziaz hausnartuko da.

Edukiak

• Jolasean hasi baino lehenagokoak: Zotz egiteko formulak.
• Jolasen hiztegia.
• Jolasen ingurukoak: kantak, esaerak…
• Jolasak adin eta helburuaren arabera:
• Ahoz aho transmititutako kantak (baladak, koplak…)
• Komunikazioa kantuen bidez: kontaketa, iragarpenak eta arrazoinamendu logikoak.