Zorionak BAM!

BAM Irakasleen Unibertsitate Eskolan ikasle bezala izan dudan esperientzia oso aberasgarria izan da, bai eremu pertsonalean, bai akademikoan. Hainbat urtetan lan munduan murgilduta egon ondoren, berriro ere ikasteko erabakia hartzea ez zen erraza izan, baina jasotako kalitatezko formakuntza akademikoak, lan pertsonalarekin batera, aukera eman dit gaur egun Haur Hezkuntzako irakasle bezala lanean aritzeko; oso esperientzia positiboa, dudarik gabe.

Eskola honetan ikasleen arteko lankidetza sustatzen da, talde-lanak ugariak dira, lan egiteko modu eraginkor eta dinamikoa ikusten dut, eta horrek aukera eman zidan ikaskideak ezagutzeko, ikuspuntu desberdinak partekatzeko eta batez ere, pertsona desberdinekin elkarlanean aritzen ikasteko.

Azpimarratu eta eskertu nahi izango nuke irakasleen eta bertako langile guztien hurbiltasun eta inplikazioa; bertan aurkitu nuen testuinguru atsegina eta izan nituen ikaskideekin bizi izandako esperientzia anitz eta bikainak.

Zorionak 75 urte hauengatik eta jarraitu aurretik duzuen bide horretan esfortzuz eta ilusioz etorkizunerako irakasleak prestatzen.