Hizkuntza-jarreren gaineko formazio-modulua amaitu da
Joan den ostiralean, hizkuntza-jarreren inguruko hirugarren eta azken tailerra izan genuen Lehen Hezkuntza Graduko lehenengo mailako ikasleekin. Sei astean zehar, ikasleek soziolinguistikaren zenbait oinarri eta behaketa etnografikorako tresnak eskuratu, eta BAMen antzematen diren hizkuntza-jarrerak aztertu dituzte, eta orobat, norbere hizkuntza-biografiaren eta hizkuntza-portaeren gainean hausnartu. Orotara, hamabost orduko iraupena izan duen formazioa izan da, teoria, praktika eta hausnarketa uztartuta.
Esperientzia oso ondo baloratu da partaideon aldetik, eta emaitza eta hausnarketa interesgarriak utzi dituen prozesua izan da, zer pentsatua utzi diguna aurrera begira, saio hauetan parte hartu dugun ikasle zein dinamizatzaileoi.
