Haur Hezkuntzako 4. mailako ikasleek unibertsitateko hiri-baratzean lantzen dute etorkizuna

Gogotsu eta eskuak lurrean murgilduz, BAMeko Haur Hezkuntzako graduko 4. mailako ikasleak hiri-baratze baten sorreran murgildu dira. Ekimen praktiko honek etorkizuneko hezitzaileei etorkizuneko ikasgeletarako tresna pedagogiko moldakor eta aberasgarri bat ezagutzea du helburu.

Letxugak, zerbak, perrexila, azenarioak albaka, lutxarbiak… izan ziren proiektuaren lehen protagonistak, eta unibertsitateko espazio bat aire zabaleko ikaskuntza-laborategi bihurtu zuten. Ikasleek aktiboki parte hartu zuten ereintzan, landareen bizi-zikloaz, lurraren garrantziaz eta ingurumenaren zaintzaz ikasiz.

“Hiriko baratzea baliabide didaktiko aparta da “, azaldu zuen ekimena dinamizatu duen Xanti Larrañaga irakasleak. “Haurrek naturarekin konektatzeko, trebetasun praktikoak garatzeko eta elikadura osasungarriaren garrantziaz ikasteko aukera eman dezake baratzeak”.

Esperientzia hezitzailea ez ezik, ludikoa eta kolaboratiboa ere izan da. Ikasleek taldean lan egin dute, ezagutzak partekatu dituzte eta lurrarekiko harreman zuzenaz gozatu dute.

Ikasleek hiriko baratzea zaintzen jarraituko dute. Ikasleek landareen hazkundea behatu eta erregistratuko dute, eta etorkizunean gune horretan integratu daitezkeen jarduerak planifikatuko dituzte, beraien hezitzaile etorkizuna kontuan hartuz.