BIZKAIA IRRATIA BAMen Herriz herri programa BAMeko gela batetik egin da aste honetan
Astero behin herri batetik egiten den Herriz Herri irratsaioa, aste honetan BAMetik egin da salbuespenez, Eskolaren 75. urteurrenari eskainita erabat.
BAMen historia eta esperientzia luzea, irakasle eta ikasle ohien bizipenak eta gaur eguneko irakasle eta ikasleenak agertu dira, beste gai batzuen artean, gaurko programan. Bertan izan ditugu, besteak beste, Lorea Bilbao jeltzalea, kulturako diputatu ohia, etorkizuneko legebiltzarkidea, eta BAMeko ikasle izanekoa eta irakaslea eszedentzian gaur egun, edo Nerea Begoña Elizbarrutiko Ikastetxeen zuzendaria, eta BAMeko ikasle izanekoa. Irakasle eta ikasleek ere parte hartu izan dute, Eskolan bizi duten esperientziaren berri emanez.
Irratsaio osoa hurrengo estekan entzungai daukazue: https://bizkaiairratia.eus/
